ჩვენ ვაკავშირებთ პროფესიონალებს
და დამსაქმებლებს 1998 წლიდან
Робота для біженців з України
ინჟინერ-ინსპექტორი - კასპი
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია
დასახელება: ინჟინერ-ინსპექტორი
მომწოდებელი: ჰანიველ ცემენტი
გამოქვეყნდა: 19 ნოემბერი / ბოლო ვადა: 19 დეკემბერი
თანდართული ფაილი: 769472_2026__Application_Form_GE___3___1__3655877.zip
ჰანიველ ცემენტი საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში და რუსთავში ასევე ცემენტის წისქვილს ფოთში და ცემენტის ტერმინალს სუფსაში. ჰანიველ ცემენტი კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად ჰანიველ ცემენტი ბეტონის 15 ქარხანას ითვლის.

ჰანიველ ცემენტი აცხადებს ვაკანსიას კასპის ცემენტის ქარხანაში ინჟინერ-ინსპექტორის პოზიციაზე მექანიკურ დარგში.

სამუშაო ლოკაცია: კასპი, ფარნავაზის ქუჩა N2
სამუშაო გრაფიკი: ორშაბათი-პარასკევი, 08:00-17:00 საათი
ვაკანტური პოზიციების რაოდენობა: 1

ძირითადი მოვალეობები:

** ძირითადი მოწყობილობების ინსპექტირება, ტექნიკური მდგომარეობის შეფასება და ანგარიშების მომზადება;
** სათადარიგო დეტალების კრიტიკულობის შეფასების და მინიმუმ/მაქსიმუმი მარაგების განსაზღვრაში მონაწილეობის მიღება;
** მოწყობილობების ინსტრუქციების, სქემების და ნახაზების გარჩევა;
** მოწყობილობებზე მექანიკური დეფექტების გამოვლენა, მათი გამომწვევი მიზეზების შეფასება და SAP სისტემაში შეტყობინებების ატვირთვა;
** კაპიტალური რემონტის გეგმის შემუშავებაში მონაწილეობის მიღება;
** მიმდინარე სარემონტო სამუშაოების გეგმის მომზადებაში მონაწილეობის მიღება;
** სარემონტო და სამონტაჟო სამუშაოების ხარისხის კონტროლი, ტექნიკურ მოთხოვნებთან და ნახაზებთან შესაბამისობის შემოწმება და შესრულებული სამუშაოების მიღება-ჩაბარებაში მონაწილეობა.
** სხვა სამუშაოების შესრულება დავალებისამებრ კომპეტენციის ფარგლებში;
** კომპანიის სამუშაო ტერიტორიაზე არსებული და მოქმედი შრომის უსაფრთხოების წესებისა და რეგულაციების დაცვა;

სასურველია/აუცილებელია გქონდეთ:

** სასურველია უმაღლესი ან პროფესიული განათლება მექანიკის ინჟინერიის მიმართულებით;
** სასურველია მექანიკური გადაცემების, საკისრების, რედუქტორებისა და ამძრავი სისტემების ცოდნა;
** აუცილებელია სამუშაო ხელსაწყოების გამოყენების ცოდნა;
** აუცილებელია შეეძლოს ნახაზის გარჩევა.
** აუცილებელია შეეძლოს მარტივი ნახაზის შედგენა.
** სასურველი ინგლისური ენის ცოდნა;
** MS Office-ის ცოდნა;
** სხარტი აზროვნება;
** გუნდური მუშაობა;
** პასუხისმგებლობის გრძნობა;

ჰანიველ ცემენტში თანამშრომლებზე ზრუნვა რეალური ფასეულობაა. ჩვენთვის მნიშვნელოვანია, რომ გუნდის თითოეულმა წევრმა იგრძნოს სტაბილურობა, მხარდაჭერა და ჰქონდეს განვითარების მუდმივი შესაძლებლობა. ამ მიდგომის მნიშვნელოვანი ნაწილი არის ბენეფიტების სისტემა, რომელიც მოიცავს:

** ჯანმრთელობისა და სიცოცხლის პრემიუმ დაზღვევას საუკეთესო პირობებით ყველა თანამშრომლისთვის
** კვების უზრუნველყოფას
** სრულად ანაზღაურებად დეკრეტულ შვებულებას ორივე მშობლისთვის
** ფინანსურ მხარდაჭერას ბავშვის შეძენის შემთხვევაში
** უფასო სასაუბრო დროს და ინტერნეტს

დაინტერესების შემთხვევაში გთხოვთ მოგვაწოდოთ თქვენი რეზიუმე ელ.მისამართზე: careers@cement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა).

გთხოვთ, სათაურის ველში მიუთითეთ პოზიციის დასახელება - ინჟინერ-ინსპექტორი მექანიკურ დარგში (კასპი)

გისურვებთ წარმატებას!

თქვენი პერსონალური მონაცემები, რომლებიც ჰანიველ ცემენტისთვის ხელმისაწვდომი გახდა გამოცხადებულ ვაკანსიაზე განაცხადების განხილვისას, ჰანიველ ცემენტის მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.

კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს ჰანიველ ცემენტმა შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.

გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.

ჰანიველ ცემენტი კანდიდატთა შერჩევის პროცესს ახორციელებს "დისკრიმინაციის ყველა ფორმით აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.
 
ყველა ვაკანსია ამ ორგანიზაციის ყველა განცხადება ამოსაბეჭდი ვერსია
გადაიტანე Facebook-ზე